結婚一生人一次，妝靚，頭靚，婚紗靚，頭花又點可以馬虎呢？
有人問我點解我Ｄ頭花特別靚同新鮮，
行曬成個花墟先買係必然，而且8成我都會買返去再幫Ｄ花花“化妝”先嘅！
所需物品：
- 花
- 花藝較剪
- 水
- 食用色素
我一買完通常即刻返公司，大部分嘅枝葉都剪曬，確保養分唔會去錯地方，集中曬花花到，
今日主角係胡姫，其實依家隻色都非常靚，不過頂個幾粒唔夠營養，淺色Ｄ，
所以拎左支紅色色素，仲有玫瑰花味添🌹，開一杯水，加大慨十滴色素，聽日就會有最嫩紅嘅胡姫啦✨
仲有紫色藍色黃色，甚至淺粉紅色都可以咁做，就返個比例就得！
假設係唔夠時間餵色，可以成朵放落色素水1-2小時，切記印乾先用！
食用色素係蛋糕材料店有售
Search